粤语弥月宴主持词
2020-03-03 08:06:39 来源：范文大全收藏下载本文
各位来宾，各位亲朋好友
各位已经做左爸爸妈妈，同即将做爸爸妈妈噶朋友，你地好啊！大家好！ 今日系刘浩良先生同距太太嘅爱情结晶刘小朋友嘅满月之喜。
今日系刚刚立夏嘅时候，万物蓬勃生长，起呢个日子我地得以欢聚一堂，就系为左共同庆贺距能够健康成长。
随住一个月之前一声响亮嘅啼哭，刘小朋友来到左我地中间，而我地知道起呢个月当中，刘小朋友为距嘅爸爸妈妈带来左无尽噶欢乐。
我地人生当中有两件大事，一件就系事业，而另一件就系生活，生活当中都有两件大事，一个就系有幸福噶婚姻，一个就系有美好噶家庭喇，甘随住刘小朋友噶诞生，刘董原本噶6口之家就变成宜家噶7口之家啦窝，我地都要共同祝愿距地，能够幸福美满伴随住全家，仔仔早日健康成长，光耀门庭。
我地中国人嘅习俗非常重视满月，因为满月意味住小朋友度过左人生当中最初噶一个月，以后就可以健康成长，而妈妈都系坐完左一个月噶月啦，今日终于可以出来开放下心情同大家见下面，呢个都系相当之开心噶。甘而爸爸妈妈起过去呢一个月当中相信都感受到做爸爸妈妈噶快乐同责任所在，正所谓我地知道所有噶男人同女人都系成为左父亲同母亲而更加之伟大，所以现场我提议大家一起为刘爸爸妈妈，同刘爸爸妈妈嘅爸爸妈妈，同埋在座嘅每一位爸爸妈妈，比D掌声感谢好唔好？！
好，多谢大家！
祝愿刘小朋友能够越长越乖，越长越聪明，亦都祝愿刘爸爸妈妈同在座现场噶所有亲朋好友能够万事如意，心想事成！
好喇，下面我地刘小朋友噶爸爸妈妈特别准备左一个视频，请大家一起睇睇。
真系非常用心同值得纪念噶视频，相信小朋友长大之后睇翻呢个片段都会感受到爸爸妈妈原来甘用心良苦。 甘睇完视频之后，我地刘爸爸妈妈应该可以开始为仔仔噶满月之喜许下一个美好噶心愿喇窝，甘要许愿我地就需要一个蛋糕啦，而我地今日刘小朋友噶4位靓靓噶姐姐，为距地可爱噶弟弟准备左一个满月蛋糕，下面我地有请几位姐姐闪亮登场！
{入场中}从古到今，无论系中国同西方都系用蛋糕来表示心灵同愿望，几位姐姐亦都系想通过蛋糕来祝愿自己噶弟弟能够共同快乐成长，一起步向美好噶未来！
下面有请我地刘爸爸妈妈同几位姐姐以及在座噶亲朋好友都用10秒钟时间来许下一个美好噶心愿，大家一起闭上眼睛许下一个心愿。
宜家心愿已经许下啦，下面有请爸爸妈妈同姐姐同心合力来吹灭蛋糕上面噶蜡烛，好唔好？！ 好，蜡烛已经吹完，愿望从心中燃起，但愿美好心愿能够成真。心愿要埋藏起心中先会更容易美好成真，而我地台下噶朋友刚先许左咩愿，要讲出来先可以容易实现窝，大家许左咩愿啊？
好，听到好多美好噶祝愿啊，非常多谢各位亲友！下面有请我地噶爸爸切开呢个蛋糕，为未来噶BB美好噶生活剪彩啦，蛋糕更系团团圆圆，都系一家团圆，家好月圆，宜家一家七口从今以后将系共同去开创美好噶未来。
大家都知道养儿一百岁，长忧九十九，做父母真系相当之唔容易啊，都系有好多噶责任在身，甘呢个时候我地不如都系提议大家一起为刘府噶添丁之喜，为刘小朋友健康成长来干杯好无啊，我地都有请埋几位长辈一齐上台，有请我地噶工作人员令美酒上来 请我地全体起立好无，大家一起起身，举起手中噶酒杯，干杯！
起呢个瞬间我地共同祝愿刘小朋友能够健康成长，光耀门庭！起我地刘董噶心目当中，在座噶每一位都系距最值得尊敬噶亲朋好友，所以呢个时候大家一起再次用热烈噶掌声欢迎刘董一家七口同距地噶长辈到席间就坐好无，掌声欢迎。
祝愿现场噶每位来宾，从今以后万事如意，我宣布，刘小朋友嘅满月宴宜家正式开始！
人人范文网 m.inrrp.com.cn 手机版